Франция парламенти депутатлари мамлакатда фавқулодда вазият тартибини яна 3 ойга, яъни 26 майгача узайтиришни қўллаб-қувватлаб овоз беришди, деб хабар бермоқда BFMTV телеканали.

Маълум қилинишича, бу қонуннинг қабул қилиниши учун 212 депутат овоз берди, 31 депутат қарши чиқди, қолганлар батараф қолишди. Ўтган йилнинг ноябрида фавқулодда чоралар тарафдорлари кўпроқ бўлганди, яъни ўшанда бу чоранинг киритилишига 551 депутат овоз берганди, 6 нафари қарши чиққанди. 

Ўтган ҳафтада фавқулодда вазият тартибини узайтириш қонун лойиҳасини Франция сенати ҳам қўллаб-қувватлаганди ва ҳозирда мамлакатдаги "террорчилик хавфи бошқа исталган вақтдагидан юқорироқ" эканлигини таъкидлаган.