Гулистон шаҳрида Алишер Навоий ҳайкали ўрнатилади

Ўзбекистон 17 Февраль 2016 2524

Гулистон шаҳридаги Сирдарё вилоят никоҳ саройи қаршисида барпо этиладиган “Шоирлар боғи”га шоир Алишер Навоий ҳайкали ўрнатилади. Бу ҳақда Сирдарё вилоят ҳокимлигининг сайти хабар берган.

2015 йилнинг 4 сентябрида Ўзбекистон президентининг “2015-2019 йиллар даврида ижтимоий, транспорт ва муҳандислик инфратузилмасини ривожлантириш билан ком­плекс ҳолда эрларнинг мелиоратив ҳолатини янада яхшилаш ва сизот сувлар сатҳини пасайтириш, Гулистон шаҳрини архитектуравий-режали қуришни тубдан янгилаш чора-тадбирлари дастури тўғрисида”ги қарори эълон қилинганди.

Ушбу ҳужжат ижроси юзасидан “Дўстлик” каналининг Гулистон шаҳри худудидан ўтувчи қисмида кенг кўламли ирригация-мелиорация ишлари бажарилди. Каналнинг туби ва қияликлари замонавий технологиялар асосида тайёрланган, намни ўтказмайдиган бетон қоришма билан қопланди. Бу ишларни талаб даражасида амалга ошириш учун 110 дан зиёд техника воситаси ва 500 нафардан кўпроқ ишчи-мутахассис жалб этилди. Каналнинг қарийб 3,5 километрлик қисмида бажарилган реконструкция ишлари туфайли сизот сувлар сатҳи кескин пасайди. Шу кунларда дренаж тизимини янада такомиллаштириш билан боғлиқ юмушлар амалга оширилмоқда.

Яқин келажакда вилоят марказида 1,5 минг томошабинга мўлжалланган амфитеатр қурилиши, вило­ят мусиқали драма театрини тубдан реконструкция қилишга киришилади. Вилоят никоҳ саройи қаршисида барпо этиладиган «Шоирлар боғи»да улуғ бобокалонимиз Алишер Навоий ҳайкали қад ростлайди, унинг атрофида мусиқали фавворалар қурилади. Мазкур сайилгоҳ марказий истироҳат боғига уланиб, Дўстлик каналининг ҳар иккала қирғоғи бўйлаб шаҳарнинг тўртинчи мавзесига қадар давом этади.

Шу кунларда Боёвут туманининг Гулистон шаҳрига туташган 55 гектарлик майдонда деҳқон ва буюм бозорини қуриш ишла­ри ҳам бошлаб юборилди. Дастурга кўра, 10 та автомобил йўли ҳамда темир йўл устидан ўтувчи шимолий кўприкни икки баравар кенгайтириш, шаҳардаги тоза ичимлик суви, электр ва газ тармоқларини ривожлантириш борасида ҳам кенг кўламли иш олиб борилаяпти.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 95817 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46576 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51735 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9347 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20141 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
02:51 359 Жамият
Самарқандда жисмоний имконияти чекланган ёшлар билан очиқ мулоқот ташкил этилди
02:50 167 Жамият
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 722 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 931 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 564 Жаҳон
Кўпроқ янгиликлар