"Griffon вертолётлари Ироқ шимолидаги ҳарбийларимиз хавфсизлигини таъминлаш учун", - дейди Канада Миллий мудофаа вазири Харджит Саджан. Бу ҳақида AFP агентлиги хабар берди. Агентлик маълумотларига кўра, вертолётлар канада ҳарбийларини ташиш учун хизмат қилади.

9 февраль куни Канада ҳарбий ҳаво кучлари жорий йилнинг 22 февралига қадар Ироқ ва Сурия ҳудудидаги “Ислом давлати” террочилар гуруҳи объектларини бомбардимон қилиш операцияларидаги ўз иштирокини тўхтатиши ҳақида маълум қилганди.

АҚШ бошчилигидаги халқаро ҳарбий операцияларга Канада томонидан 6 та F-18 қирувчи-бомбардимончи самолёт, иккита CP-140 Aurora разветка самолёти, битта Airbus СС-150 Polaris ёқилғи ташиш самолёти бириктирилган.

2014 йилнинг октябрь ойида Сурия ва Ироққа Канада ҳукуматининг собиқ Бош вазири Стивен Харпер ИШИДга қарши ҳарбий ҳаракатлар учун кичик авиагуруҳ ва уларга хизмат кўрсатувчи 600 нафар ҳарбий хизматчи жўнатганди. Канада контингенти Қувайтдаги авиабазага жойлашган. Бундан ташқари, 69 нафар ҳарбий инструктор Ироқ шимолида хизмат қилмоқда. Канада миссияси 2016 йилнинг март ойида ниҳояланади.