16 февралда Москвада йилнинг бу вақти учун аномал об-ҳаво шароити кузатилди. Шаҳар устидан кучли ёмғир ўтиб, Москва марказидаги баъзи кўчалар сув билан тошди. Можайский шоссесининг ўзида сув тошқини оқибатларини бартараф этиш учун бир неча юз мутахассис жалб қилинди. Транспорт департаменти вақтинчалик машиналарда юрмасликни тавсия қилди.

Об-ҳаво ёмонлашгани сабабли шаҳар коммунал хизматлари кунбўйи навбатчилик қилишга ўтказилди ҳамда бунинг учун 300 га яқин авариявий бригада жалб қилинди.

Ижтимоий тармоқ фойдаланувчилари аномал об-ҳавони қизғин муҳокама қилишди. Тармоқда ёмон об-ҳаво шароити олиб келган оқибатларнинг сурати ва видеолари чоп этилди.