Амалдаги президент Барак Обаманинг ишонч билдиришича, Дональд Трамп АҚШнинг навбатдаги президенти бўла олмайди.

"Мен Трамп президент бўла олмайди деб ҳисоблайман" - дея таъкидлади Барак Обама Пальм Спрингс шаҳри (Калифорния штати) яқинидаги Саннидэндс қароргоҳида бўлиб ўтган АҚШ - Жануби-Шарқий Осиё мамлакатлари ассоциацияси (АСЕАН) саммити якунига оид, матбуот анжумани вақтида.

Обаманинг сўзларига кўра, у Трампнинг шу йили ноябрь ойида бўлиб ўтадиган президент сайловларидаги имкониятини шундай паст баҳолайди. Чунки у "Америка халқи"га қаттиқ ишонади. Яъни демократ Обаманинг нуқтаи назарига кўра, америкаликлар Республикачилар партиясининг аъзоси Дональд Трамни қўллаб-қувватлашга тайёр эмас.

"АҚШ фуқаролари президент мақомини эгаллаш бу - масъулиятли иш" эканлиги, "бу - ток шоу ёки реалити шоу бошловчисининг иши эмас... бу маркетинг эмас... бу қийин иш"лигини билишади", - дея таъкидлади Обама.

Қайд этиш керакки, ўтказилган кўпгина сўровларга натижасига кўра, Дональд Трамп, охирги ойларда президентликка республикачилардан томонидан номзоди қўйилган Тед Круз, Марко Рубио ва Флориданинг собиқ губернатори Жеб Бушга қараганда Америка халқи томонидан кенгроқ қўллаб-қувватланмоқда.