Samsung компанияси Galaxy-қурилмаларига операцион тизимининг янги версияси бўлган Android 6.0 (Marshmallow)ни тарқатишга киришди. Ҳозирда мазкур тизим фақатгина компаниянинг энг охирги смартфони бўлган Galaxy S6 ҳамда S6 Edge смартфонларида янгиланмоқда.

Samsung бошқа Galaxy қурилмалари фойдаланувчилари учун ҳам Marshmallow етказиб беришни режалаштирган. Уларнинг муддати операторлар талаби ва “бозор”даги вазиятга боғлиқ.

You Mobile сайтининг аввалги хабарларида ёзилишича, навбатдаги янгиланиш Galaxy Note 5 фаблетида бўлади. Ундан олдинги гаджетлар, жумладан Galaxy Note Edge, Galaxy S5, Galaxy Alpha ва Galaxy Note 4 учун, “олтинчи” Android яқин вақт ичида ўрнатилиши даргумон.