Австралия генерал-губернатори Питер Косгроув Канберрада ҳукуматнинг янги аъзолари қабул қилган қасамёдни қабул қилиб олди.

"Бош вазир Малкольм Тернбулл вазирлар маҳкамасида ходимларни асосан зарурат юзасидан алмаштирди", деб хабар беради ТАСС.

Ўтган ҳафта ҳукуматнинг икки вакили – бош вазир ўринбосари Уоррен Трасс ва савдо вазири Эндрю Робб сиёсатдан кетишларини эълон қилишганди. Роббнинг ўрнини Стивен Чобо эгаллади.

Барнаби Жойс Уоррен Трасс ўрнига бош вазир ўринбосари лавозимини эгаллаши муҳим ўзгариш бўлди. Аввал у Миллий партия раҳбари муовини вазифасида фаолият юритган. Анъана бўйича Жойс қишлоқ хўжалиги ва сув ресурслари вазири лавозимини ҳам сақлаб қолади.

Янги бош вазир кўпчиликка Австралияга ноқонуний олиб кирилган иккита зотдор кучук туфайли Голливуд актёри Жонни Депп билан судлашгани билан машҳур.

Австралиянинг ўзида уни қатъиятли, сайловчилари манфаатлари йўлида жонбозлик кўрсата оладиган сиёсатчи сифатида қадрлашади.

Ҳокимиятдаги ушбу ўзгаришлардан сўнг, эндиликда Австралия бошқарувида олти нафар аёл ҳам фаолият юритяпти. Жумладан, ташқи ишлар вазири Жули Бишоп ва мудофаа вазири Марис Пейн.