Голливуд актёри Леонардо Ди Каприо "Оскар" мукофоти ортидан қувиши керак бўлган аркада ўйини қаҳрамонига айланди.

Ўйинда Леонардога "Оскар"га эга бўлишга қизил гиламдаги бир қанча журналистлардан ташқари, машҳур қўшиқчи Леди Гага ҳам халал бермоқчи бўлади.

Актёрга рақиб сифатида эса унинг ҳамкасблари, жумладан актёр Брайан Крэнстон танланган. Ўйинда қўшимча балларга эса Ди Каприони актёрлик санъатида синаб кўриш билан эга бўлиш мумкин. Ўйин финалида эса актёр айиқ билан олишишига тўғри келади.

Эслатиб ўтамиз, ҳозиргача Леонардо Ди Каприо "Оскар" мукофотига 5 марта номзод бўлган. Актёрнинг меҳнатлари Киноакадемия томонидан тан олинмагани ОАВ томонидан жуда кўп муҳокама қилинди ва бу машҳур "мэм"га айланди.

2016 йилда Ди Каприо "Оскар"га "Омон қолган" фильмидаги роли учун номзод бўлди. "Оскар 2016" тақдимотигача актёр бир қанча мукофотларга жумладан "Олтин глобус" ва Британия Киноакадемияси мукофоти BAFTAга сазовор бўлди.

Ди Каприо учинчи марта «Олтин глобус» мукофотини қўлга киритди

Ди Каприо олтинчи марта «Оскар» мукофоти учун номзодлар қаторида

Леонардо Ди Каприо BAFTA талқини бўйича энг яхши актёр деб топилди