Ироқ ҳарбий-ҳаво кучларининг вертолёти Анбар вилоятида қулади. "Ас-Сумария" телеканалининг маълум қилишича, вертолёт Ал-Фаллужадан 23 км узоқликдаги Ал-Амирия шаҳрида яқинида қулаган. Бу ерда ҳукумат қўшинлари ва ИШИД жангарилари ўртасида жанглар кетмоқда.

Телеканал маълумотларига кўра, вертолёт бортидаги икки учувчи ҳалок бўлган. Уларнинг таналари армия, полиция ва кўнгилли аскарларнинг биргаликдаги саъй-ҳаракатлари эвазига эвакуация қилинган.

Вертолётнинг қулаши учун жавобгарликни террорчилар ўз зиммасига олган.

16 февралда Ироқнинг Ал-Кут шаҳрида транспорт вертолёти фалокатга учраши оқибатида 9 нафар ироқлик ҳарбий ҳалок бўлганди. Маълум қилинишича, фалокатга техник носозлик сабаб бўлган.