Канада Ҳарбий ҳаво кучлари Сурия ва Ироқдаги ИШИД жангарилари жойлашган марраларни бомбардимон қилишни тўхтатди. Бу ҳақда Канада мудофаа вазирлиги хабар берган.

"Канада ҳукумати буйруғига кўра, Қуролли кучлар (ҚК) жорий йилнинг 15 февралидан бошлаб авиазарбалар (Сурия ва Ироқда) бериш амалиётларини тўхтатди", - дейилали ТАСС агенлигига келиб тушган маълумотда.

Канада Қуролли кучлари бундан кейин, ИШИД билан курашда "ўз ҳиссасини бошқа томонга йўналтириб", халқаро коалиция доирасида курашади, - дейилади ҳужжатда.

Яқин ҳафталар ичида, барча 6та F-18 қирувчи самолёти ва уларга хизмат кўрсатувчи ходимлар Канадага қайтарилади. Айни вақтда, CP-140 Aurora разведкачи самолёти ва Airbus CC-150 Polaris ёқилғи қуювчи самолёти Кувайт авиябазасида қолади ва иттифоқчилар авияциясига ёрдам беради.

2014 йилнинг октябрида Канада собиқ ҳукумати бош вазири Стивен Ҳарпер ИШИД билан курашишга катта бўлмаган авиагуруҳ ва хизмат кўрсатиш учун 600 нафар ҳарбийларни жўнатишга буйруқ берганди. Канада контингенти Кувайтдаги авиябазада жойлашган.

Бундан ташқари, 69та муҳандис Ироқ шимолига йўлланган. Канада миссияси 2016 йил март ойигача мўлжалланган эди.