Москва ҳуқуқ-тартибот муассасалари ходимлари Москвадаги Қизил майдонда жойлашган ГУМ дўконида портлаш хавфи ҳақидаги хабарни текширишмоқда. Бу ҳақда ҳуқуқ-тартибот муассасаларидаги манбага иқтибос келтирган ҳолда ТАСС ахборот агентлиги хабар берди.

Дўконга портловчи модда қўйилгани ҳақидаги хабар номаълум шахсдан олинган. Воқеа жойига кинологлар ва сапёрлар йўл олган, одамлар эвакуация қилинган.

Аввалроқ Москва ва Москва вилояти полицияси "Ашан" гипермаркетларини портлаш хавфи сабабли текшира бошлаган. Бундан ташқари, шошилинч хизматлар Ленинград вокзалида қолдирилган эгасиз сумка туфайли вокзални текширишларига тўғри келган. Бироқ бу ерда одамлар эвакуация қилинмаган, балки бир залдан иккинчи залга ўтказиб турилган.