Apple компанияси АҚШ судлари сўровига кўра, 2008 йилдан бери 70 марта АҚШ ҳукуматига iPhone смартфонларидаги маълумотга киришни тақдим қилган. Бу ҳақда The Daily Beast нашрида айтилмоқда.

"Ўтган йили Нью-Йоркдаги суд жараёнида Apple ўз қурилмасидан зарурият бўлса, маълумотни чиқариб олишини тан олганди. Бу суд ишидаги айблов томонининг маълум қилишича, Apple ҳукуматнинг илтимоси билан 2008 йилдан бери камида 70 марта телефонларни блокдан чиқариб берган", дейилмоқда мақолада.

Нашр АҚШ ҳукумати Калифорниядаги теракт ижрочисига тегишли ва ноёб паролга эга телефонга киришни сўраб Apple’га мурожаат қилаётганини ғалатиҳолат деб атамоқда. "Нью-Йоркдаги суд жараёнида прокурор АҚШ ҳуқуқ-тартибот муассасалари iPhone’нинг баъзи моделларига Apple’нинг ёрдамисиз бузиб кириш технологиясини яратишганини тан олган, ҳукумат ҳозир ҳам айнан шуни талаб қилмоқда", деб тушунтирмоқда нашр.

Аввалроқ суд Apple’га Федерал қидирувлар бюросига телефондаги ҳимояни четлаб ўта олувчи дастурни тақдим қилиш мажбуриятини қўйганди. ФҚБ бу дастур орқали Сан-Бернардино шаҳрида теракт уюштирган ва йўқ қилинган террорчи Саид Фаррукга тегишли iPhone смартфонига кирмоқчи.

Apple бош директори Тим Кук ФҚБнинг бу талаби устидан шикоят қилмоқчи. Кукнинг айтишича, ҳукуматнинг бу талаби "мижозлар хавфсизлигига раҳна солади". Кукнинг таъкидлашича, компания ходимлари ФҚБга терактни тергов қилиш учун зарур бўлган маълумотни тақдим қилганлар. Унинг айтишича, компания махсус хизматларга iPhone’ни оча олувчи дастурни бериш ниятида эмас.