Президент Башар Асаднинг Россия томонидан қўллаб-қувватланиши Суриядаги фуқаролик урушининг чўзилишига олиб келади, деб ҳисоблайди Пентагон раҳбари Эштон Картер.

CBS каналининг "Асад ҳолати Россиянинг ҳарбий ёрдами туфайли яхшиландими?" деган саволига “Бу стратегия қаерга олиб боради?” У Суриядаги фуқаролик урушининг давом этишини таъминлаяпти. Бундан эса Россия манфаатдор”, - деб жавоб берди Картер.

“Мен океанортидаги дўстларимизга тўғридан-тўғри айтаман, бу ерда “текинхўрлар” бўлиши мумкин эмас, чунки охири биз ғалаба қозонамиз. Биз ёдимизда сақлаб қоламиз, ким ёрдам берди ва ким ёрдам бермади. Биз узоқни кўзлаб иш қиламиз ва ким нима қилганини эслаб қоламиз”, деди Картер.

У Брюсселда ўз касбдошларига шу ҳақида айтганини эслатиб ўтди.

Картернинг сўзларига кўра, Россия ва Эроннинг ҳаракатлари Сурияда ҳеч қанақа яхшилик келтираётгани йўқ ва улар бу учун “жавоб беришади”.

“Россия бошиданоқ тўғри йўл тутмади. У ўзи айтган ишни қилмаяпти ва ИШИДга қарши курашиш шартларини бажармаяпти”, деб ҳисоблайди Пентагон раҳбари.