Peugeot компанияси ўзининг энг кичик кроссовери Peugeot 2008’нинг янгиланган версиясини тақдим қилди. Йўлтанламаснинг илк намойиши март ойида Женева автосалонида бўлиб ўтади.

Рестайлинг қилинган моделнинг радиатор панжараси кўриниши ўзгарди, унда шер кўринишидаги компания эмблемаси жойлаштирилди. Кроссовер, шунингдек, ўзгача капот ва модернизация қилинган орқа фонарлар олди.

Бундан ташқари, Peugeot 2008 учун махсус 17 дюймли алюминий ғилдирак дисклари, қора рангдаги радиатор панжараси, рейлинг ва тепкиларга алюминий накладкаларни ўз ичига олувчи GT Line стайлинг-пакети манзур.

Кроссовер MirrorLink тизими ва Apple CarPlay интерфейсини қўллаб-қувватловчи мультимедиа мажмуаси билан таклиф қилинади.

Модель 82, 110 ва 130 от кучига эга 1,2 литрли бензинли ҳамда 75, 100 ва 120 от кучига эга 1,6 литрли дизель двигателлар билан таклиф қилинади.