14 февраль куни Россия Федерациясининг Орлов вилоятида кўп қаватли уйларнинг тўртинчи қаватидан бир ярим ёшли гўдак тушиб кетган. Бола учта қаватдан учиб тушиб магазиннинг томига тушган. Бош миясининг оғир жароҳатига қарамасдан бола ўз ҳушида бўлган.

"Тез ёрдам она ва болани вилоят касалхонасига олиб кетган. Ҳозир боланинг аҳволини жиддий, лекин барқарор деб баҳолашяпти", хабар беради «Cобытия» нашри.

Онасининг айтишича, у боласини бор-йўғи бир неча дақиқага қаровсиз қолдирган, холос.

Оила Орловга Ўзбекистондан кўчиб келгани қайд этилган.