Ягона интерактив давлат хизматлари портали — «My.gov.uz» матбуот хизмати портал фаолиятини ноанаънавий усулда оммалаштиришга қарор қилди.

Бунинг учун рэп қўшиқлари билан танилган хонанда Шоҳрух таклиф этилган.

«Шоҳруҳ билан ёзилган қўшиқ Ягона порталнинг ролигида ҳам фойдаланилади. Шу тариқа портал ёшлар эътиборини ўзига жалб этишни кўзлаган», дея маълум қилган матбуот хизмати раҳбари Нелли Каримова.

Қўшиқ ўзбек ва рус тилларида куйланган. Шоҳрух томонидан унинг «Хато» номли қўшиғи мусиқаси остида куйланган композициянинг ўзбекчаси қуйидаги сўзлардан иборат:

Тераман My.gov.uz,
Шарт эмас кўришмоқ юзма-юз.
Ҳаётингни осонлаштир,
365 кун — баҳор, ёз, куз.
Энди муаммоларингни ҳал қил
Икки баравар тезроқ,
Тер — My.gov.uz.

Аудиоёзувни бу ҳавола орқали эшитиш мумкин.