Украинадан Ўзбекистонга келаётган 12та юк машинаси Россияда тўхтатиб қолинди

Жаҳон 18 Февраль 2016 15623

Россиянинг Саратов вилояти ҳудудида украиналикларнинг Ўзбекистонга келаётган 12та юк машинаси тўхтатиб қолинган. Бу ҳақда Давлат йўлларини назорат қилиш бошқармасининг вилоят бўйича бўлими раҳбари ўринбосари Вячеслав Ларионов маълум қилган.

Унинг аниқлик киритишича, украиналик ҳайдовчилар Саратов яқинидаги меҳмонхонага жойлаштирилган.

"Ҳайдовчилар эркин ва улар истаган жойларига кетиши мумкин. Улар турли юкларни ташиш билан машғул бўлишган. Масалан Ўзбекистондан Украинага қуруқ мевалар олиб кетишган. Ортга эса саноат буюмлари олиб қайтишган. Машиналарда бирида автомобиль шиналарини кўрдим", дейди у ва юк машиналари Россия транспорт вазирлиги тақиқи бўйича ушлаб қолинганини қўшимча қилиб ўтган.

15 февраль куни Россия транспорт вазирлиги Украинада рўйхатдан ўтган юк машиналарининг Россия ҳудудида ҳаракатланишини тақиқлади. Бунга Россия юк машиналарининг Украинада ҳаракатланишига тўсқинлик бўлаётгани сабаб қилиб кўрсатилганди.

Шу куни Украина ҳукумати ҳам мамлакат ҳудудида Россия юк машиналарининг транзит ҳаракатланишига вақтинчалик тақиқ жорий этди.

17 февраль куни Россия ва Украина юк автомобилларини мамлакатига қайтариш тўғрисида келишиб олди. Унга кўра «Уйга қайтиш» тартиби 16 февралдан 25 февралгача амалда бўлади.

16 февраль куни Украинада Ўзбекистон билан эркин савдо зонаси яратиш тўғрисидаги қонун ратификация қилинганди.

Ҳужжатга илова қилинган хатда кўрсатилишича, баённоманинг кучга кириши билан 2011 йил 18 октябрдаги Ўзбекистон ва Украина ўртасида имзоланган эркин савдо зонаси тўғрисидаги келишувнинг барча бандлари баённомада кўрсатилган шартлар инобатга олинган ҳолда амал қила бошлайди.

Эркин савдо зонаси тўғрисидаги баённомада Ўзбекистон Украина молларидан импорт ва экспорт божлари ундирмаслиги кўрсатилган.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 7804 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 8663 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 51070 Жамият
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
Ўзбекистон Бош прокуратураси ходимлари Қозоғистонда бўлди
ФВВ тизими органларининг иш тартиби белгиланди
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 3333 Lifestyle
ОАВ: Ким Чен Ин Жанубий Корея билан чегарадаги ҳарбий базага махфий тарзда борди
09:42 3926 Жаҳон
КХДР АҚШ ва Жанубий Кореяга "шафқатсиз ўч олиш" билан таҳдид қилди
09:41 5778 Жаҳон
Чинозлик фуқаронинг уйидан 4 килограммга яқин марихуана моддаси топилди
09:38 1011 Жамият
Кўпроқ янгиликлар