Америкалик миллиардер Уоррен Баффет нефть активларини сотиб олишда давом этмоқда.

Баффетга тегишли Berkshire Hathaway компанияси комиссияга ўтган чоракда Kinder Morgan қувурлари операторининг 26,5 млн дона акциясини 400 млн доллар эвазига сотиб олгани тўғрисидаги АҚШ биржаси ва қимматбаҳо қоғозлар бўйича ҳисоботини топширди.

Бундан ташқари, тахминан 1 млрд. доллар маблағ Phillips 66 нефть ишлаб чиқарувчи компаниясининг акцияларига сарфланган. Натижада, Berkshire эндиликда Phillips 66 нинг 75,6 миллионлик (14,3 фоиз) акцияларига эгалик қилмоқда. Бунинг қиймати эса 6 млрд. долларга тенг.

Berkshire Hathaway қарамоғига нефть қумлари билан шуғулланувчи Suncor Energy акциялари ҳам киради.

“Бошқалар қўрққан пайти, сиз сотиб олинг. Улар зиқналик қилган чоғларида эса сотиб юборинг.” Баффетнинг инвестиция бўйича билдирган юқоридаги жумлаларига ўзи ҳам амал қилаётганга ўхшайди.

Business Insider порталининг таҳлилига кўра, Баффет ўзининг 60,7 миллиард долларлик маблағи билан дунёнинг 50 нафар энг бой инсонлари рўйхатидан учинчи ўринни эгаллаган.