2015 йилнинг сентябрь ойидан бошлаб шу кунгача Европага отланган қочқинларнинг 340 нафарга яқин фарзанди Ўрта Ер денгизида чўкиб кетишди. Бу маълумотлар жума куни Женевада БМТнинг қочқинлар иши бўйича юқори бошқаруви, Миграция ва Болалар фонди (ЮНИСЕФ) бўйича халқаро ташкилот коммисарларининг қўшма мурожаатида чоп этилди

“Ўтган йили барчани ларзага келтирган болакай Айлан Курдининг фожиавий ўлимидан сўнг, сентябрь ойидан бери Ўрта Ер денгизининг шарқий қисмида 340 нафарга яқин бола чўкиб кетган. Уларнинг баъзилари чақалоқ бўлса, айримлари эндигина юришни ўрганаётган болалар бўлган. Денгизга чўкиб, ҳалок бўлган бошқа болаларнинг танаси топилмагани сабабли реал статистика бундан ҳам юқори бўлиши эҳтимоли бор”, - дея хабар беради мурожаат муаллифлари.

“Биз энди бегуноҳ болаларнинг ҳаётига зомин бўлувчи бу каби хавф-хатарларга бефарқ қараб тура олмаймиз”, - дея қайд этади ЮНИСЕФ ижрочи раҳбари Энтони Лейк.

“Давлатлар энди кўчиш йўллари хавфсизроқ бўлиши учун бирлашиб, биргаликда чора кўришлари зарур. Европага боришнинг бошқа йўллари мавжуд бўлганида, ҳеч ёш болаларни қайиққа ўтказмас эди. Улар энг мақбул йўл – “ташкиллаштирилган ва қонуний йўл”ларни жорий этиш эканлигини қўшимча қилишди", дейди у.

Қайд этилишича, Туркия орқали Европага отланган қочқин ва мигрантлар фарзандлари 36 фоизни ташкил қилади.