Футзал бўйича Ўзбекистон терма жамоаси Осиё чемпионатининг финалида Эрон билан баҳс олиб борадиган бўлди.

Форслар ярим финалда Вьетнамни йирик ҳисобда мағлуб этди. Эроннинг 13та голига вьетнамликлар бор-йўғи 1 марта жавоб қайтара олишди.

Бронза медали учун эса Вьетнам ва Таиланд терма жамоалари майдонга чиқишади.

Финал ва 3-ўрин баҳслар 21 февраль, якшанба куни соат 16:00да "Ўзбекистон" спорт мажмуасида бўлиб ўтади.

Эрон - Вьетнам 13:1
Голлар: Маҳди Жавид 2, 20, 32, Фарҳад Таваколи 8, 8, 20, 22, Ҳамид Аҳмади 13, Ҳуссайин Тайеби 16, 27, Алиризо Вафои 26, Муҳаммад Кешаварз 37, 39- Пхунг Тронг Луан 17
Эрон: 1.Сепехр Муҳаммади, 5.Ҳамид Аҳмади, 7.Асгхар Ҳассанзода, 8.Гходрат Баҳадори, 14.Маҳди Жавид.
Вьетнам: 2. Нгуйен Ван Хеи, 3. Ле Квок Нам, 9. Дуонг Ан Тунг, 10. Нгуйен Бао Куан, 11. Тран Ван Ву.