АҚШда экологик тозароқ, шовқини камроқ ва тезлиги юқорироқ самолётларнинг янги авлодини ишлаб чиқаришмоқчи.

"АҚШ ҳукуматига тегишли аэронавтика ва космик фазони тадқиқ қилиш миллий бошқармаси фуқаролик авиациясида 25 йил давомида 225 миллиард доллар тежаб қола оладиган X-planes самолётларини яратишга қарор қилди", хабар беради ТАСС.

"New Aviation Horizons" ("Янги авиация уфқлари") номли дастур 10 йилга мўлжалланган.

АҚШ бюджети дастурга маблағ ҳам ажратишга улгурган. Харажатлар 4,147 триллион доллар, даромад 3,644 триллион доллар миқдорида белгиланган. Дастур бюджети тасдиқлангач, NASA уни амалга оширишни бошлайди.

Биринчи учишни 2020 йилгача амалга ошириш учун тажриба намуналарини ишлаб чиқиш ва қуришга бир неча йил талаб этилади. Дастурнинг амалга ошиш жараёни муддати унинг маблағ билан таъминланишига боғлиқ.