Opel келажак автомобили интерьерини намойиш қилди

Технология 19 Февраль 2016 2583

Opel компанияси концептуал GT купеси салони фотосуратини чоп этди, унинг премьераси Женевадаги автосалонда бўлиб ўтади. Немис автомобилсозлари прототип "келажак автомобили интерьери" ҳақида тасаввур беради, деб айтишди.

Купе салонида умуман тугмалар ва механик переключателлар йўқ. Прототипда автомобилга мустақил равишда рулдаги одамни унга индивидуал созламаларни тақдим қилиб танишга имкон берувчи инновацион интерфейс қўлланган.

Opel GT рақамли асбоблар ҳамда олд панелнинг чап ва ўнг томонидан иккита думалоқ монитор олган, бу мониторлар авиацион турбиналар стилида бажарилган. Уларга иккита орқа кўриниш камераларидаги тасвир чиқарилади.

Opel GT 60-йиллар охирида чиқарилган шундай номдаги кичкина ўлчамдаги спорткупе шарафига яратилган. Оғирлиги 1000 кг ни ташкил қилувчи прототип орқа ғилдираклар приводига эга. Купе тўлиқ алюминийдан ишланган 3 цилиндрли 1 литр ҳажмли, 145 от кучига эга мотор билан жиҳозланган.

Концепт-кар 0 дан "100" км тезликкача 8 сонияда эриша олади, максимал тезлиги соатига 215 км ни ташкил қилади.

Opel компанияси GT’ни серияли тарзда ишлаб чиқармоқчи эмас. Концепт немис маркасининг бўлғуси автомобиллари олиши мумкин бўлган стилистик ва техник ечимларни кўрсатиш учун яратилган.

Кўпроқ янгиликлар