Охирги кунларда Туркия ҳукумат қўшинлари ва маҳаллий курдлар орасида муросасиз жанглар кетаётган Туркиянинг Диёрбакир вилоятида туркиялик махсус кучлар руслар учун нома қолдиришди.

Интернетда ҳарбий кийимда ва юзи беркилган ҳарбий кўринишича бир неча бор ўққа тутилган уй деворида юрак расми ва унинг тепасидаги ёзувга бармоғи билан ишора қилиб турган фотосурат пайдо бўлди.

Ёзувда "Эй руслар, сизда РПГ бор бўлса, бизда эса РТЭ бор" деб ёзилган.

Турк ҳарбийлари шу тариқа улар рус қуролларидан қўрқмасликларини билдиришган. Ёзувдаги РПГ (ручной противотанковый гранатомет) – танкка қарши қўл гранатомётини, РТЭ эса Туркия президенти Ражаб Тойиб Эрдўған исми-шарифининг биринчи ҳарфларини билдиради. Юрак расми, эҳтимол, буни чизганлар ўз президентларини яхши кўришларини англатиши тахмин қилинган.

Эслатиб ўтамиз, Туркия бош вазири Аҳмад Довудўғлу Сурия президенти Башар Асадни Анқарадаги терактларни уюштиришда, Россияни эса курдлардан Туркияга қарши фойдаланишда айблаганди.