2015 йил давомида Украина томонидан 86 минг 492 автотранспорт воситалари ёки олдинги йилга нисбатан 41 фоизга камроқ импорт амалга оширилган. Бу ҳақида “Укравтопром” матбуот хизмати хабар берди.

Киритилган автотранспорт воситаларининг божхона қиймати бир миллиард долларни ташкил қилди.
Умуман олганда, автоимпортда энг кўп улушни 62121 дона енгил автомобиллар ўз ичига олди. 2014 йилга нисбатан енгил автомобилларнинг импорти аҳамиятсиз даражада пасайди (-0.8 фоиз), унинг божхона қиймати эса 817.2 миллион долларни ташкил қилди.

Ўтган йили 22 933 та тижорат ва махсус автомобиллар импорти амалга оширилди, лекин бу 2014 йилга нисбатан 72 фоизга камроқ.
Бундан фарқли ўлароқ, бошқа автотранспортларга нисбатан автобусларнинг импорти 2015 йилда ижобий ўзгариш кўрсатиб, ўтган йилга қараганда 22 фоизга ошди. 1 минг 438 дона олиб кирилган автобусларнинг нархини божхона 14.4 миллион долларга баҳолади.

Бир вақтнинг ўзида Украинада экспортга 1060 дона автотранспорт воситалари чиқарилган, бу эса 2014 йилга нисбатан 3.1 баравар кам ва унинг қиймати 54.4 миллион долларга баҳоланди.