Буюк Британия бош вазири Дэвид Кэмероннинг маълум қилишича, мамлакатнинг Европа Иттифоқидан чиқиши бўйича референдум 2016 йилнинг 23 июнига белгиланган.

Умумхалқ сайловида икки савол ўртага ташланади: Буюк Британия ЕИ таркибида қолиши керакми, ёки ташкилотни тарк этиши керакми?

Ҳукумат вакиллари аҳолидан Буюк Британиянинг ЕИ аъзоси бўлиб қолишини танлашни сўрамоқда.

Бундан олдинроқ, Евроиттифоқнинг Брюсселдаги икки кунлик саммити Евроиттифоқ ва Буюк Британиянинг Қиролликка алоҳида мақом тақдим этиш тўғрисидаги келишуви билан якунлангани тўғрисида маълум қилинганди. Бу Евроиттифоқдан тўлиқ ажралиб кетмаслик учун амалга оширилади.

Эришилган битим Брюссель томонидан Британия бош вазири Дэвид Кэмерон Қиролликнинг Евроиттифоққа аъзолигини сақлаб қолиш ҳақидаги референдумда қўллаб-қувватланишини таъминлаши кўзда тутилган.