Таҳлил ишлари билан шуғулланадиган Counterpoint Technology компанияси Россия мобил телефонлар бозорини ўрганиб чиқиб бу борадаги биринчи ўринга Alcatel бренди чиқиб олгани ҳақида маълум қилди.

Экспертларнинг ҳисоб-китобларига кўра, Россияга 2015 йилнинг октябрь-декабрь ойларидаги мобил телефонлар етказиб берилиши, ўтган йилнинг шу даврига қараганда 8 фоизга ошган. Бир квартал олдинги кўрсаткичларга кўра эса 27 фоизга ошиш кузатилганди.

Counterpoint келтирган статиска маълумотларига кўра, Alcatel 2015 йилнинг тўртинчи чорагида 11 фоизлик улуш билан Россия мобил телефонлар бозори етакчисига айланган.

Компания Россия Федерациясига ўз телефонларини етказиб беришни 60 фоизга оширган. Рўйхатнинг 2-ўринидаги Samsung Electronics эса телефонлар етказиб бериш кўрсаткичи 28 фоизга камайтирган, натижада унинг бозордаги улуши 16,5 фоиздан 11 фоизга тушиб кетган. Бу учликни 8.9 фоиз улуш билан Ҳиндистоннинг Micromax компанияси якунлайди.

Россиянинг смартфонлар бозорида етакчиликни Samsung ушлаб турибди. Lenovo иккинчи , ZTE эса учинчи ўринда қайд этилди. Apple эса Россиядаги иқтисодий ҳолат ва рубль девалвацияси сабаб тўртинчи ўринга тушиб кетган.