Бадиий гимнастика бўйича Олимпия чемпиони Алина Кабаева бадиий гимнастика ривожланишда тўхташи мумкинлиги муносабати билан бу спорт турининг келажаги учун хавотир билдирмоқда. Кабаева бу ҳақда "Р-Спорт" нашрига берган интервьюсида айтиб ўтди.

"Россиялик гимнасткачилар хатоларга йўл қўйиб, бошқа давлатларга "совға" қилишгандагина ютқазишлари мумкин. Бироқ ҳозирда аввалгидек жўшқинлик кўринмаяпти ва мен бу ҳақда индамасдан тура олмайман. Мен бадиий гимнастика ривожланади, деб ишонгандим. Бироқ агар гимнастика ривожланишда тўхтаса, бу спорт тури қизиқарсиз бўлиб қолади", деб айтди Кабаева.

Кабаева 19-21 февраль кунлари Москвада бўлиб ўтадиган бадиий гимнастика бўйича Москва Гран-приси очилиш маросимида иштирок этди. Мусобақаларда 45 та давлат вакиллари иштирок этади. Мусобақа доирасида асосий стартга киритилмаган спортчилар учун Alina Cup мусобақаси ташкил этилади.

Кабаева спорт фалоиятини 2007 йилда якунлаган. У 2004 йилги Олимпия ўйинлари олтин медалини ва 2000 йилги Олимпия ўйинлари бронза медалини қўлга киритган. Кабаева, шунингдек, 2 карра жаҳон чемпиони, 5 карра Европа чемпиони, 6 карра Россия чемпиони ҳисобланади.

Кабаева 2007 йилдан Россия Давлат думаси депутати сифатида фаолият юритган, унинг ваколати 2014 йил 16 сентябрда тугатилган.