АҚШ Президентлигига номзод, McAfee антивирус дастури муаллифи Жон Макафи Business Insider нашридаги ўз чиқиқишида 3 ҳафтадан кам бўлмаган муддатда мобайнида Сан-Бернардинода одамлар жонига қасд қилган қотилнинг iPhone`ини бузиб кириши ҳақида маълум қилди. Бордию Макафи бунинг уддасидан чиқа олмаса, тўғридан-тўғри эфир чоғида ўз ботинкасини ейишга ваъда берди.

Хабарингиз бўлса, Apple бошлиғи Тим Кук аввалроқ унинг компанияси iPhone мижози гарчанд қотил бўлса ҳам, унинг қурилмасини бузиб киришга розилик бермаслиги ҳақида маълум қилганди. Компания раҳбари ёзган очиқ хатида жиноятчининг қулфланган iPhone`ни бузиб киришга қаршилик билдирган.

Суд эса Apple компаниясига ҳимоя функциясини ўчириб қўйиш ҳақида буйруқ берди. Маълумки, iOS 10 маротаба нотўғри пароль терилгач, барча маълумотларни автоматик тарзда ўчириб ташлайди. Ана шундай ҳолатда жиноятчига оид кўп маълумот йўқ бўлиб кетиши мумкин.

Американинг букмекерлари McAfee жамоаси iPhone`ни бузиб киришнинг уддасидан чиқадими ёки Макафи ботинка ейдими, деган вариантлар бўйича ставкаларни қабул қилишни бошлаб юборди.