Австралиянинг News.com.au нашри йўловчи самолётларининг бизнес-синфи билан парвоз қилган йўловчилар томонидан энг кўп билдириладиган шикоятлар рўйхатини чоп этди. Бу шикоятлар ҳақида самолёт борткузатувчилари маълумот беришди. Бу ерда гап 10 соатдан кўпроқ давом этган Австралия рейслари ҳақида кетмоқда.

Йўловчилар парвозлар узоқ вақт давом этгани учун уларга нима учун пижама беришмаганидан ҳайратланишган ва авиакомпания персонали уларни қачон олиб келиши билан энг кўп қизиқишган. Шикоятлар орасида 2-ўринни йўловчилар массаж ўриндиғининг етарлича кучлимаслигидан норози бўлишлари эгаллаган.

Шунингдек, саёҳатчилар уларга Dom Perignon шампань виносини келтиришни сўрашган ва унинг йўқлигини билгач, хафа бўлишган. Бундан ташқари, йўловчилар орқага ташланувчи ўриндиқ етарлича қалин эмаслигидан шикоят қилишган.

Шунингдек, йўловчилар уларга телевизор жуда узоқлик қилгани сабабли кўзойнак олиб келишни сўрашган. Саёҳатчилар олдиларидаги столчада жуда кўп ичимлик тургани сабабли ҳожатхонага чиқа олишмаётганидан ҳам шикоят қилишган. Мижозлар, шунингдек, ҳожатхонадаги кранни ёқиш автоматик сенсор датчиги ишга тушиб кетгани сабабли кийимлари ҳўл бўлганидан норози бўлишган.