Финляндиянинг Hartwall заводи бир соат давомида хатолик туфайли Pepsi Max логотипли банкаларга пиво қуйган.

"18 февраль куни Лахтида яшовчи киши маҳаллий дўкондан ўғлига Pepsi Max газланган ичимлигини сотиб олиб берган. 13 ёшли болакай ичимликнинг таъми ёқимсиз эканлигидан шикоят қилган. Шундан кейингина заводнинг хатоси маълум бўлган", дея хабар беради YLE телерадиокомпанияси.

Заводга яна камида 2та шикоят келиб тушган. Pepsi Max логотипли банкалар Karjala пиволари билан битта ўрамда экани баъзи сотувчиларнинг шубҳасига сабаб бўлган.