Женевада Сурияда ўт очишни тўхтатиш бўйича келишувга эришилди. Бу ҳақда музокаралар иштирокчиларига иқтибос келтирган ҳолда Reuters ахборот агентлиги хабар бермоқда.

Вазият ўт очиш масалалари бўйича махсус гуруҳ томонидан муҳокама қилинди, музокараларда Сурияни қўллаб-қувватлаш халқаро гуруҳи вакиллари иштирок этишди.

Келишувлар доирасида шаҳарлардан қамаллар олиниши, асирларни топшириш ва жабрланган шаҳарларга инсонпарварлик ёрдамини етказиш таклиф қилинмоқда. Сурия президенти рақиблари 2-3 ҳафталик муддатга ярашувга рози бўлишди ва бунда зарурий шарт сифатида Россия авиацияси авиазарбалари тўхтатилишини талаб қилишди.

Ўт очишни тўхтатиш тартиби кейинроқ узайтирилиши мумкин ва ИШИДдан ташқари ихтилофнинг барча томнларига тааллуқли бўлади.