Афғонистон жанубидаги Қандаҳор вилоятида АҚШ ҳарбий-ҳаво кучларининг учувчисиз учиш қурилмаси қулаб тушди. Бу ҳақда АВС нашри хабар бермоқда.

Аниқлик киритилишича, MQ-9 моделидаги бу қурилма Қандаҳордаги авиабаза ҳудудида ҳалокатга учраган.

Америкалик ҳарбийлар бу дрон уриб туширилмагани, балки техник муаммолар туфайли қулагани, қулаш натижасида ердагилар жароҳат олмаганини қайд этган.

Айни вақтда мазкур ҳолат юзасидан текширув олиб борилмоқда.

Бундан олдинроқ, АҚШ ҳукумати мамлакатдаги "Толибон" жангариларига қарши курашни кенгайтириш мақсадларида ҳудуддаги ўз контингентини кенгайтириши ҳақида маълум қилганди.