«Барселона» ҳужумчиси Неймар ўз ватани Бразилияда, Рио-де-Жанейро шаҳрида бўлиб ўтадиган 2016 йилги Олимпиада ўйинларида иштирок эта олмаслиги мумкин.

Каталонияликлар жамоаси раҳбарияти бу 24 ёшли ҳужумчисини Олимпиадага қўйиб юборишни истамаяпти ва унинг қўйиб юборилиши маълум шартлар эвазига рўй бериши айтилган. Унга кўра футболчи олимпиадага борса, бу вақт учун унинг маоши Бразилия футбол федерацияси томонидан тўлаб берилиши керак бўлади. Шунингдек Неймар турнир вақтида жароҳат олгудек бўлса, «Барселона»га суғурта пули берилиши таъминланиши сўралган.

Қайд этиш керакки, Неймар Олимпиадага кетган тақдирда, «Барселона»нинг Европа Суперкубоги ва Испания Суперкубоги учун эҳтимолий ўйинларида ўз-ўзидан иштирок эта олмайди.

Бундан олдинроқ, Бразилия олимпия терма жамоаси бош мураббийи Дунга Олимпиада ўйинларига Неймар, Миранда ва Алиссонни таклиф этишни режалаштираётгани ҳақида хабар қилинганди.