21 февралда Испания Примерасининг 25-турида Мадриднинг "Реал" клуби меҳмонда "Малага" билан учрашди. Зинедин Зидан шогирдлари 1-бўлимда Криштиану Роналдунинг голи эвазига ҳисобни очишди. Роналду чемпионатдаги ўзининг 22-голини киритди. 

Шундан 3 дақиқа ўтиб, яъни 36-дақиқада португалиялик ўйинчида пенальтидан гол уриб, дублни қайд қилиш имконияти пайдо бўлди, бироқ "Малага" дарвозабони унинг зарбасини қайтарди.
Танаффусдан кейин "Малага" ҳисобни тенглаштирди: 66-дақиқада Раул Альбентос "Реал" дарвозасини ишғол қилди. Шундан кейин бошқа голлар бўлмади ва учрашув 1:1 ҳисобида якунланди.

Бу ўйиннинг натижаси чемпионатда ўтказилган 25 ўйин натижасига кўра, "Реал" "Барселона"дан 9 очко ортда қолаётганини англатади, яъни "Реал"да 53 очко, "Барса"да эса 63 очко бор.
Мадриднинг "Атлетико" жамоаси ҳам 53 очко йиққан, бироқ "Реал"дан битта ўйин кам ўтказган.

"Малага" ушбу дуранг эвазига бир поғонага кўтарилди ва 10-ўринни эгалламоқда.

Испания Примераси. 25-тур
Малага – Реал Мадрид – 1:1
Голлар: Роналду, 33 (0:1); Альбентоса, 66 (1:1).
Амалга оширилмаган пенальти: Роналду, 36 (Реал)

Шу куни ўтказилган яна бир учрашувда "Райо Вальекано" ва "Севилья" ҳам дуранг натижа қайд қилди. Учрашув 2:2 ҳисоби билан якунланди.

Райо Вальекано – Севилья – 2:2
Голлар: Н'Зонзи, 10 (0:1); Иборра, 20 (0:2); Манушу, 43 (1:2); Федор, 62 (2:2).