Англиянинг «Манчестер Сити» клуби ҳужумчиси Серхио Агуэро ўзига Испаниянинг«Барселона» ва «Реал» жамоалари қизиқиш билдираётганига қарамасдан клубни тарк этиш нияти йўқлигини маълум қилди.

The Independent нашрининг хабар беришича, 27 ёшли аргентиналик футболчи «шаҳарликлар» раҳбариятига «Сити»да фаолиятининг охирига қадар қолишга тайёр эканини маълум қилган.

Газетага кўра, Агуэро янги мавсумдан бошлаб жамоани Хосеп Гвардиола бошқаришидан хурсанд эканини яширмаган.

Эслатиб ўтамиз, олдинроқ «Манчестер Сити» Агуэро билан амалдаги шартномасини 2020 йилга қадар узайтиргани ҳақида хабарлар тарқалганди.

Маълумот учун, «Кун» жорий мавсумда Англия премьер-лигасининг 19 учрашувида майдонга чиқиб 14та гол уришга муваффақ бўлган.