Сурия президенти Башар Асад Испаниядаги El Pais газетаси учун берган интервьюсида Туркия ва Саудия Арабистони ўз мамлакати ҳудудига қуруқликдаги қўшинларини киритса, уларга террорчилар сифатида қаралишини айтиб ўтди.

У бундай ҳолатда ўзида бошқа йўл қолмаслиги, Сурия чегаралари ҳимоя қилиниши учун ўзаро уруш бошланишини билдирган.

Ўз навбатида, Башар Асад мухолиф кучлар билан тинчлик сулҳи тузишга розилигини, бунинг учун маълум шартлари борлигини қўшимча қилган. У ўт очишни тўхтатиш ўз зарарига ишламаслигини истамоқда. Асад бу Туркиянинг ҳудуддаги жангариларни кучайтириб юборишига олиб келишидан хавфсирамоқда.

Асаднинг айтишича, мухолифатдагилар қуролларини топширганидан кейингина улар билан музокара бошлашини маълум қилган. У таслим бўлганлар афв этилишига ваъда берган.

"Бу жараён бошланган. Охирги вақтларда тез-тез таслим бўлиб, қуролларни топшираётган гуруҳлар қайд этилмоқда. Улар ИШИДга қарши курашиш учун Сурия армиясига келиб қўшилишмоқда", дейди Асад.

Сурияда 2011 йилдан буён фуқаролик уруши давом этмоқда. Унда асосан 3та томон, Сурия ҳукумати, мухолиф кучлари ва ИШИД жангарилари ўзаро жанг қилмоқда. Бу вақт ичида юз минглаб кишилар уруш қурбони бўлди. 5 миллиондан ортиқ киши қочқинга айланди.

2016 йилнинг 16 февралида Туркия АҚШни Сурия ҳудудидаги ИШИДга қарши курашиш учун қуруқликдаги ҳарбий амалиётларни бошлашга чақирди. Бундай ҳаракатларга Саудия Арабистони ҳам жалб этилиши ҳақида хабарлар чиққан.

21 февраль куни АҚШ Давлат департаменти раҳбари Жон Керри Россия ТИВ раҳбари Сергей Лавров билан музокаралардан кейин яқин вақт ичида Сурияда ўт очиш ишлари тўхтатилиши, Сурия ҳукумати ва мухолифат ўртасида сулҳ тузилишига эрилиши ҳақида маълум қилди.

Керри: Обама ва Путин яқин вақт ичида Сурияда ўт очишни тўхтатиш бўйича келишувга эришади