MWC 2016 очилиш маросимида SanDisk компанияси SanDisk Extreme PRO microSDXC UHS-II хотира картасини тақдим қилди. Компания ушбу карта ҳозирги кунда ўз форматида энг тез ишлайдиган хотира картаси эканини дея даво қилмоқда.

Хотира картаси маълумотларни ўқиш режимида 275 мб/с, ёзиш режимида эса 100 мб/с тезликни намоён қилади. У UHS-II таснифига талабларига жавоб беради ва Class 10, UHS Speed Class 3 (U3) маркировкаси билан тақдим қилинади. Карта 64 ва 128 ГБ хотира ҳажми билан сотувга чиқарилади.

Ишлаб чиқарувчининг таъкидлашича, SanDisk Extreme PRO microSDXC UHS-II картаси, UHS-I таснифини қўллаб қувватловчи қурилмалар билан мос бўлиб, бундан ташқари сув, зарбалар ва рентген нурланишидан химояланган.

SanDisk Extreme PRO microSDXC UHS-II 64 ва 128 ГБ ҳажмли карталари шу йил иккинчи кварталидан, 180 ва 300 доллар баҳосида сотувга чиқарилади.