2016 йилнинг 22 февраль куни Ўзбекистон Республикаси Ташқи ишлар вазирлигида Уммон султонлигининг фавқулодда ва мухтор элчиси Муҳаммад Саид Муҳаммпд Ал Лавати қабул қилинди.

Мулоқот давомида икки томон кун тартибининг жорий масалалари, жумладан Тошкент шаҳрида Тошкент давлат шарқшунослик институти ҳузуридаги Абу Райҳон Беруний номидаги Шарқ қўлёзмалари маркази кутубхонасининг биносини қуриш бўйича қўшма лойиҳани амалга ошириш жараёни ҳамда турли шакллардаги Ўзбекистон-Уммон ҳамкорлигининг истиқболлари муҳокама қилинди.

Шу куни ТИВда Корея Республикасининг фавқулодда ва мухтор элчиси Ли Ук Ҳйон билан учрашув бўлиб ўтди.

Учрашувда икки томонлама муносабатларнинг долзарб масалалари муҳокама қилинди.