Қатарда ўтказилган ёпиқ иншоотлардаги Осиё чемпионатида Ўзбекистон терма жамоаси аъзолари 2та олтин, 1та кумуш ва 2та бронза медалига сазовор бўлишди. Бу ҳақда Миллий Олимпия қўмитаси матбуот хизмати хабар берган.

Ўзбекистон терма жамоаси ҳисобига олтин медалларни Екатерина Воронина (бешкураш) ва Светлана Радзивил (баландликка сакраш, 1 м. 92 см.) келтирган.

Баландликка сакраш секторида Ўзбекистон шарафини ҳимоя қилган яна бир тажрибали спортчи Надия Дусанова 1 м. 88 см. натижа билан кумуш медаль совриндори бўлди.

Осиё чемпионатининг бронза медали Марат Хайдаров ва Валентина Кибальниковага насиб этди.