Дания терма жамоаси ва Германиянинг "Вольфсбург" клуби футболчиси Никлас Бентнер Instagram’да "Мерседес" ёнида тушган суратини чоп этди, ваҳоланки у ўйнайдиган клубнинг эгаси ва ҳомийси "Фольксваген" компанияси ҳисобланади.

Суратда Фольксваген башанг "Мерседес" автомобили ёнида турибди. Бир қараганда, ҳеч қандай ажабланадиган жиҳати йўққа ўхшайди – футболчи шунчаки ўзининг шахсий автомобили ёнида турибди. Бироқ клубнинг салбий муносабатига футболчининг клуб ҳомийси "Фольксваген"нинг рақобатчиси машинаси ёнида турган суратини ижтимоий тармоқда чоп этгани сабаб бўлган.

Клуб вакилининг изоҳлашича, клубнинг ички қоидалари клуб аъзоларига исталган маркадаги автомобилни сотиб олишга рухсат беради. Бироқ бу машиналар билан омма олдида кўриниш бериш борасида маълум чекловлар мавжуд. Шу сабабли, футболчи жаримага тортилди.

Футболчининг маошидан ушлаб қолинадиган жариманинг аниқ қиймати маълум қилинмаган.