АҚШ Давлат департаменти расмий вакили Марк Тонер Сурияда 27 февралдан бошлаб ўт очилиши тўхтатилиши бўйича тузилган келишув муҳокамаларда иштирок этган барча томонларга тааллуқли бўлиши, жумладан бу режим Туркия ва Суриядаги курдларга ҳам амал қилиши ҳақида айтди. Бу ҳақда Рейтер агентлиги хабар тарқатди.

"Биз бундан аввал ҳам бир неча марта таъкидлаганмиз, Туркия томонидан Суриядаги курдларнинг бомбардимон қилинишидан ташвишдамиз ва бунга барҳам бериш учун қайғурамиз", дейди у.

Тонер АҚШ раҳбарияти Туркияни ўз чегараларидан ташқаридаги "ҳалокатли" авиазарбаларини тўхтатишга чақиришини билдирган.

Бундан олдинроқ, Туркия ҳукумати Сурияда ўт очишни тўхтатиш бўйича АҚШ ва Россия ўртасида эришилган келишувни қутлаши ҳақида хабар берилганди.

Расмий манбаларда Россия ва АҚШ Сурияда ўт очишни тўхтатишга келишиб олгани, келишувга кўра, ўт очишни тўхтатиш режими 27 февралдан бошлаб кучга кириши кераклиги айтилган.

Al Jazeera маълумотига кўра, режим ИШИД ва "Жибҳат ан-Нусра" террорчилик ташкилотларига нисбатан амал қилмайди.