АҚШ ва Россия Сурияда 27 февралдан бошланадиган ярашув иштирокчилари авиазарбаларга учрамаслиги учун ўзаро маълумотлар алмашади, деб хабар бермоқда Reuters ахборот агентлиги.

Таъкидланишича, АҚШ ва Россия бошқа давлатлар билан биргаликда Суриянинг қайси қисмида террорчилар борлигини аниқлаштириб олади ва шу тариқа ўт очишни тўхтатиш тартиби иштирокчилари орасида йўқотишлар хавфини минималлаштиради.

Шунингдек, Суриядаги ярашувнинг бажарилиши бўйича давлатлар ўртасида маълумот алмашиш мақсадида "қайноқ линия" ёки ишчи гуруҳ яратиш режалаштирилмоқда.