Малайзия Австралия қиролликда уюштирилиши мумкин бўлган терактлар ҳақидаги маълумотларни бермай, ўз фуқароларига Куала-Лумпур ва бошқа шаҳарларга бормасликни тавсия қилганидан норозилик билдирди. Бу ҳақда Star газетаси хабар бермоқда.

"Бизга бундай хулосаларга нима асосида келингани номаълум, бундан ташқари, австралияликлар ҳақиқатан ҳам терактлар ҳақида маълумотларга эгалигига ишонч мавжуд эмас", деб айтди Малайзия полицияси шефи Ҳолид Абу Бакр.

Унинг айтишича, "давлатлар бу соҳада ҳамкорлик қилишлари керак ва агар уларда маълумотлар бўлса, унда улар билан бўлишлари лозим". "Малайзия махсус хизматлари гап экстремистлар ҳақида кетаётган бундай вазиятларда ҳамиша ўз ҳамкасбларига, жумладан австралияликларга мавжуд маълумотларни тақдим қиладилар", деб айтди Абу Бакр.

21 февралда Австралия ташқи ишлар вазирлиги ўз фуқароларига Малайзияга бормасликни тавсия қилди, чунки "ғарб давлатлари фуқаролари ташриф буюрадиган жойлар хатарга учраши мумкин". Бу орада Малайзиянинг сайёҳлик ва маданият вазири Назри Абдулазиз мамлакат ҳамон хорижликлар учун хавфсиз эканлигини айтиб ўтди. "Вазият назорат остида ва бунга ишончимиз комил", деб айтди Абдулазиз.