Ижтимоий тармоқлар фойдаланувчилари People's Daily нашрида чоп этилган хитойлик аёлнинг суратларини муҳокама қилишди. Аёл Пекиндаги боғлардан биридаги, чуқурлиги 2,5 метр келадиган муздек кўлга тушиб кетган iPhone 5 смартфони ортидан ўйлаб-нетмай ўзини кийим-пийими билан сувга ташлаган.

Бу воқеа 18 февралда, ҳаво ҳарорати -2-9 даража совуқ бўлганда юз берди. Бу ҳолат тасвирланган фейсбукда чоп этилган суратларга қолдирилган изоҳларда кўпчилик фойдаланувчилар аёлнинг ақлсизлиги ва гаджет учун ўз ҳаётини хатар остига қўйганини қоралашган.

Бундан бир неча кун аввал чўкаётган болани қутқариш учун Гуйчжоудаги муздек кўлга ўзини ташлаган аёл Хитой ОАВлари қаҳрамонига айланганди.