Японияда, Саппоро шаҳридаги Синтитосэ аэропортида Boeing 737 русумли йўловчи самолётининг двигатели самолёт учиш-қўниш йўлакчасида турган вақтда ёна бошлади. Бу ҳақда Associated Press хабар тарқатган.

Аниқлик киритилишича, двигателдан тутун чиққач, бортдаги йўловчилар орасида саросимали ҳолат бошланган. Улар тез вақт ичида эвакуация қилинишган. Натижада рейс бекор қилинган.

Самолёт бортида жами 159 нафар йўловчи ва экипажнинг 6 нафар аъзоси бўлган.

Япония ҳуқуқни муҳофаза қилиш органлари маълумотларига кўра, йўловчилардан 4 нафари таҳлика юзага келган вақтда кичик жароҳат олган. Улар айни вақтда шифокорлар назоратида.

JAL (Japan Airlines) авиакомпаниясига тегишли бу Boeing 737 Саппородан Фукуокага (Хоккайдо ороли) ички рейсни амалга ошириши керак бўлган.

Ҳодиса сабаблари ўрганилмоқда.