23 февраль оқшомида ЕЧЛ нимчорак финал босқичи доирасида "Арсенал" "Барселона"ни қабул қилди.

Ўйиннинг биринчи бўлимида дарвозалар мухлислар гол кўришмади. Биринчи бўлим бошида "Арсенал"да 2та, бўлим сўнгида "Барселона"да 2та жуда қулай имконият юзага келди.

Иккинчи бўлим каталонияликларнинг тўла устунлигида ўтди. Мезбонлар иккинчи бўлим бошидаги босимини бартараф этиб, ўзлари ҳужумга ўта бошлаган пайтда, қарши ҳужумда гол ўтказиб юборишди. 71 дақиқада Суареснинг узатмасидан кейин Неймар тоў билпн жарима майдончасига кириб борди ва очиқ қолдирилган Мессини тўп билан таъминлади. Аргентиналик ҳужумчи эса яккама-якка вазиятда Петр Чехни доғда қолдирди. Бу унинг ўз фаолиятидаги Чех дарвозасига урган илк голи бўлди.

Ўйин тугашига 7 дақиқа қолганида эса "Арсенал" ҳимоячиси Пьер Мертезакер тўпни Мессига ташлаб берди, ундан тўпни олиб қўйишга уринган Матье Фламини эса қўполликка йўл қўйди ва Мессини чалиб йиқитди. Ўйин ҳаками Жунайт Чақир белгиланган пенальти зарбасини Лионелнинг ўзи аниқ амалга оширди - 0:2.

Шу тариқа, "Барселона" амалда чорак финал йўлланмасини ҳал қилиб қўйди.

ЕЧЛ, нимчорак финал, дастлабки ўйин
Арсенал Англия – Барселона Испания 0:2 (0:0, 0:2)
Голлар: 0:1 – 71 Месси, 0:2 – 83, пенальти Месси.
Арсенал – Чех, Мертесакер, Монреаль, Бельерин, Косьельни, Рэмзи, Коклен (Фламини, 82), Ўзил, Окслейд-Чемберлен (Уолкотт, 50), Санчес, Жиру (Уэлбек, 72).
Барселона – тер Стеген, Пике, Альба, Дани Алвес, Бускетс, Ракитич, Маскерано, Иньеста, Неймар, Месси, Суарес.
Огоҳлантиришлар: Монреаль (6), Пике (85).