Американинг Terrafugia компанияси дунёдаги энг биринчи TF-X учар автомобилини 2018 йилга тақдим қилмоқчи. Бу ҳақда Inhabibat хабар тарқатган.

Лойиҳа раҳбарларининг айтишларича, TF-X прототипи Массачусетс технология иститутида аэродинамик қувурида синовдан ўтмоқда. У ўзи кириб-чиқувчи қанотларга эга бўлиб, учар машина 322 км/с тезликка чиқа олувчи қуввати 300 от кучига тенг двигатель билан таъминланган.

Ишлаб чиқарувчилар шундай транспорт воситасини яратмоқчиларки, қўлланиш давомида фақатгина кабинага ўтириб, компьютерга керакли манзил киритилиши кифоя бўлади.

Terrafugia учар автомобили сотувда 2025 йилдан пайдо бўлиши мумкин.