Канаданинг Торонто шаҳридан 40 км узоқликда жойлашган Пикеринг шаҳрида мактабда таҳсил олувчи пичоқ билан қуролланган қиз 8 кишини, жумладан 6 нафар ўқувчи ва мактабнинг икки ходимини яралади. Бу ҳақда 23 февралда CBC телеканали маълум қилди.

Телеканал маълумотларига кўра, жабрланганлардан бирининг аҳволи оғир дея баҳоланган. Dunbarton мактаби ўқувчиси бўлган қиз қўлга олинди, уни бу жиноятга ундаган сабаблар номаълум. Ўқувчилардан бирининг айтишича, қиз иккита пичоқ билан қуролланган бўлган.

22 январда Канаданинг Ла-Лош посёлкасида 17 ёшли ўсмир оммавий қотиллик содир этганди. Қотил аввал уйида икки акасини ўлдириб, сўнгра ўзи таҳсил оладиган мактабга йўл олиб, у ерда 9 кишини ўққа тутган, улардан 2 нафари ҳалок бўлган. Жиноятчи қўлга олинган. Жиноят сабаблари ўрнатилмаган.