Республикада, жумладан, мамлакатнинг тоғли туманларида картошка ва унинг уруғини етиштириш бўйича самарали асосини яратиш режалаштирилмоқда. Бу ҳақда Қишлоқсувхўжалиги вазирлиги вакили маълумот берди. Лойиҳани амалга ошириш учун 3,85 миллиард сўм пул маблағи ажратилади, хабар беради Sputnik. 

Ўтган йили мамлакатда 2,69 миллион тонна картошка етиштирилган бўлса, 2020 йилда бу кўрсаткични 3,6 миллион тоннага етказиш режалаштирилмоқда.

“Картошка Ўзбекистонда энг оммалашган қишлоқ хўжалигида маҳсулоти ҳисобланади. Шу ўринда қўшни давлатларда ҳам картошкага бўлган талаб юқори. Шунинг учун ҳукумат ушбу маҳсулотни етиштирувчиларни қўллаб-қувватлаш чораларини амалга оширишга қарор қилди.

Бирламчи картошка уруғларини етиштиришда биотехнологиялардан кенг фойдаланиш ва микроклонал кўпайиш услубини қўллашни ташкиллаштириш лойиҳанинг асоси бўлиб хизмат қилади” изоҳ берди вазирлик вакили.

Олий нав картошка уруғларини тадқиқ қилиш ва етиштириш мақсадида биоорганик кимё Институти ва полиз маҳсулотлари ва картошка Илмий-тадқиқот институтларида махсус биотехнологик лабараториялар ташкил этилади. Улардан биринчиси 2017 йили, иккинчиси 2018 йили ишга тушади.

Лойиҳани халқаро донорлар ҳамда Ўзбекистон фанлар Академиясининг бюджетдан ташқари жамғармаси маблағ билан таъминлайдилар.