Россия президенти Владимир Путин Сурия президенти Башар Асад билан телефонда суҳбатлашди.

“Сурияни қўллаб-қувватлаш Халқаро гуруҳи ҳамраислари Россия-Американинг 2016 йил 27 февралдаги Сурияда жанговор харакатларни тўхтатиш баёнотини амалга ошириш масалаларини ҳал этиш мақсади асосида Сурия инқирозининг турли жабҳаларини муҳокама қилдилар”, дейилади Кремль матбуот хизмати маълумотида, хабар беради ТАСС.

Бундан ташқари, Путин ва Асад ИШИД, “Жабхат ан-Нусрой” ва бошқа БМТ Хавфсизлик Кенгашининг тегишли рўйхатига киритилган террористик гуруҳларга қарши муросасиз кураш олиб боришнинг муҳимлигини алоҳида қайд этишди.

Қўшма Штатлар ҳарбий мансабдорлари Россия Сурия сулҳи шартларини бажаришига шубҳа билан қараётгани ва Россия ҳукуматига кучлироқ таъзйиқ ўтказиш режасини тайёрлаш ниятида эканликлари ҳам маълум бўлди.